ព្រះមហាក្សត្រត្រាស់បង្គាប់តែងតាំងលោកស្រី សុន សុខាលីដា ជា អគ្គនាយក នៃអគ្គនាយកដ្ឋានកិច្ចការអយ្យការនិងព្រហ្មទណ្ឌ នៃក្រសួងយុត្តិធម៌
ភ្នំពេញ៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានត្រាស់បង្គាប់តែងតាំង លោកស្រី សុន សុខាលីដា ទទួលបន្ទុកជាអគ្គនាយកនៃអគ្គនាយកដ្ឋានកិច្ចការអយ្យការ និងព្រហ្មទណ្ឌ នៃក្រសួងយុត្តិធម៌ និងផ្តល់ងារកិត្តិយសជា ប្រតិភូរាជរដ្ឋាភិបាល មានឋានៈស្មើ រដ្ឋលេខាធិការ។ នេះបើតាមព្រះរាជក្រឹត្យដែលអង្គភាព EAC News ទទួលបាននៅថ្ងៃទី១៥ ខែសីហានេះ៕
